BETHSER DABLO
Tangub News Desk
TANGUB CITY—Pwerting ugdawa sa tulo ka lawak sa Sta. Maria National High School human kini nasunog niadtong nakalabayng Lunes sa gabii, Disyembre 15.
Miabot sa ikatulong alarm ang maong sunog diin giabagan sa mga bombero gikan sa Ozamiz ang BFP ning dakbayan.
Gibutyag ni Fire Marshall Clint Cha nga kamulo pa silang susi kung unsa ang hinungdan sa maong sunog human usab sila makadawat og mga istorya nga basin kuno og gituyo ang maong edipisyo sa pagsunog.
Ingon usab si Myrna Barbon, principal sa maong tulonghaan, ang mga lawak nga nasunog mao ang ilang faculty room, science laboratory ug registrars office ug ang HE room.
Adunay duha ka computer units, kitchen utensils, appliances ug office furnitures ang naapil og kasunog.
Nahanaw sad sa kalayo ang ilang mga records, ilabina ang mga permanent record form 137 sa mga estudyante..
Mokabat P1.5 milyones ang unang gikataho nga kinatibuk-ang danyos.
Atol sa regular session sa Konseho nianang adlawa, nauyonan sa mga konsehal ang paghimo ug sulat-hangyo ngadto kang Presidente Gloria Arroyo alang sa pagpangayo og hinabang.
Tungod sa maong hitabo, apektado ang klase nga gidala sa 16 ka mga maestra ug 450 ka mga estudyante.