MOLAVE, ZAMBOSUR—Tingkagol sa bilanggoan ang usa ka tawo nga nangilad sa uban pinaagi sa pagpamaligya ug mga probables sa Suertres unya wala diay migawas.
Ang gibalhog ginganlan sa kapolisan nga si Jojo Emperial, kinsa nagpaila pa nga usa ka broadcaster sa DxOM ug DxRA, mga stasyonan sa radyo sa Davao City.
Nahibaw-an nga si Emperial blocktimer ra diay sa usa ka radyo sa Iligan ug pinaagi sa iyang programa iyang ipalapnag ang pagpangabig sa mga tigpaminaw nga mahiligong mopatad sa Suertres.
Daghan siya’g nailad nga mipalit sa iyang mga “coding” unsa gipangbaligya niya, matod pa, sa tag-P500, magpa-member ang gusto ug mobayad sa kwarta.
Ang uban nga nauwat gisiguro ang pagpamiyembro ug gidaghan, adunay mibayad ug tag-P2,000, pangyawat makaigo.
Apan pwerting sukoa sa iyang mga nahimong miyembro kay walay migawas bisag usa sa iyang gipanghatag nga “hearing” hinungdan nga midangop sa kapolisan ang mga nailad ug gipapangita si Emperial.
Nasikop ang nagpakaaron-ingnon nga mediaman sulod sa usa ka kan-anan.
Miabot ug P90,000 ang salapi nga nabawi sa kapolisan gikan sa suspetsado samtang gipasakaan siya ug matod pa sa pulis nga naghupot sa reklamo, five counts of swindling ang ipasaka batok kang Emperial.
Daghan ang susama ni Emperial ang anaa karon naglibot sa mga hilit nga lungsod ug lugar sa Zamboanga del Sur, Misamis Occidental ug Lanao del Norte ug kasagaran nila pareho ug estilo, magpakaaron ingnon nga taga-radyo ug mamaligya ug numero. ROGER GULAHAB