TANGUB CITY—Nadakpan na si Ramil Ano-os, ang dugay na nga gipangitang suspetsado sa pagpayuhot ug druga ug konektado sa illegal nga sugal.
Nadakpan si Ano-os niadtong Hulyo 22, didto sa Brgy. Mangga.
Ingon si 1st Sergeant Jazzie Bungcawel, team leader sa 10th Police Regional Mobile Unit nga bunga sa gipakusog nga barangay intelligence network ang pagkasikop ni Ano-os.
Nahibaw-an nga nagtangag kini siya ug tulo ka warrant of arrest sa maong salaod ug dugay-dugay na sad ang iyang pagtago-tago gikan sa mga otoridad.
Ang kaso ni Ano-os gipasaka na human nasulod nila ni P/CInsp. Anecito Partosa, kanhi intelligence chief sa PNP provincial office, ang gituohang kuta sa mga adik ug sugarol niadtong miaging tuig apan nakaikyas si Ano-os. BETSHER DABLO