TANGUB CITY-- Saulogon sa Sumirap National High School (nhs) ning dakbayan ang ika-25 ka tuig nga anibersaryo karong Disyembre, matod pa ni Margissa Tala Amen, college registrar, sa Gov. Alfonso D. Tan College (GADTC).
Gibutyag niya nga niadtong 1983 nahimugso ang kanhi Sumirap Barangay High School kuyog ang pito ka mga magtutudlo ug usa ka OIC Principal, ug gipailalom sa lokal nga pangagamhanan.
Ang naasoyng mga magtutudlo naglakip na nila ni Engr. Rachel Paco Macamay, Adela Abapo, Judith Pepito Diabana, Rene Monteza, Esterlinda Acman, Remegio Amen, Margissa Tala Amen ug ang OIC principal nga si Cruza Taroroc.
Human gibalhin ang DepEd Division ngadto sa Ozamiz, nahimong Sumirap NHS ang maong eskwelahan ug ilalom na sa nasudnong pangagamhanan.
Alayon niini, usa ka panagtagbo sa tanang mga alumni ang ilang gihimo alang sa pagpanday sa nagkadaiyang mga plano o panglantaw alang sa nagsingabot nilang Silver Anniversary. BHEBS NACUA GULAHAB