TANGUB CITY—Sangko sa langit ang pasalamat ni kanhi punong barangay Arturo Rivera sa Brgy. Sta. Cruz tungod sa abundang tubig nga nagdagayday sa ilang basakan karon tungod sa nindot nga irigasyon.
Sa nasayran, mokabat sa 222 ka ektaryang basakan ang gitawag nga irrigated ang ania sa siyudad ang kasamtangang naprobetsa-an na sa mga mag-uuma.
Kini maoy sulti ni Engr. Liberato Paulino, labawng tinugyanan sa Tangub Small Reservoir Irrigation Program (TSRIP).
Dugang hisayran nga adunay unom ka mga barangay ang kamulo nang nakabenepesyo ug nga naka kutsetsa nag, kaduha sa usa ka tuig tungod sa maong irigasyon.
Kining mga barangaya mao ang Sta. Cruz, Prenza, Labuyo, Garang, Maquilao ug San Apolinario.
Puhon adunay pagatukorong dako nga dam sa Brgy. Mangga aron matiwasan pa gyod ang kaharuhay nga gisinati sa mga mag-uuma ning dakbayan. Sa laing balita, nakuha sa polis ang usa ka “Cacao” type nga Granada sa Sitio Cabangkalan Brgy. Isidro D. Tan human nadawat ang kasayuran nga adunay duha ka magsuon nga naglalis didto.
Giila sila nga si Godofredo ug Luceno Macasa, pulos residente sa maong lugar, kinsa pulos mga hubog niadtong higayona ug naglalis, butyag ni PO2 Luis Fermo.
Nasayran nga gituok ni Godofredo ang iyang igsuon tungod sa kasuko ug dali nga misibat pag-abot sa polis.
Nakuha ang granada didto sa kasagbotan. Gituohan nga si Godofredo maoy tag-iya sa granada. BHEBS NACUA GULAHAB UG BETHSER DABLO
Nasayran nga gituok ni Godofredo ang iyang igsuon tungod sa kasuko ug dali nga misibat pag-abot sa polis.
Nakuha ang granada didto sa kasagbotan. Gituohan nga si Godofredo maoy tag-iya sa granada. BHEBS NACUA GULAHAB UG BETHSER DABLO