ROGER GULAHAB
Molave news desk
MOLAVE, ZAMBOSUR—dalaygon ang gihimo sa kapolisan ning lungsod kinsa mihimo ug pagpag-apod-apod ug mga school supplies ngadto sa gitumbok nga mga tulunghaang adunay ubay-ubay nga mga malnourished nga mga kabataan.
Ang maong pagpanghatag alayon sa gitutukang programa sa kapolisan nga adunay kalambigitan sa gitawag nga “Kiddie Cops.”
Nasayran gikan ni PO3 Francisco Limbaga nga adunay dul-an sa usa ka gatos ka mga grade 1 ug 2 pupils sa Bogo Kapalaran Elementary School ang nakadawat sa mga school supplies.
Miuban sad sila si PO1 Mercy Mondoy ug PO1 Jean Colipano, Genodino Abong ug Ellen Glepa, municipal planning and development officer.
Under close supervision ni P/CInsp. Ranulfo Pasaan Sinajon ang maong kalihukan ug sa umaabot nga panahon magpadayon pa ang maong kalihukan ngadto sa uban pang mga elementary schools ning lungsod.