BAROY, LDN--Nakaangkon ug daghang pangos, samad ug bun-og sa nagkadaiyang bahin sa lawas ang duha ka mga motorcab drivers, hasta ang ilang mga pasahero, human nagkadungan pagkabangga sa usa ka Isuzu Transit Mixer.
Ang naasoyng incidente nahitabo sa may detour sa Sagadan Bridge sa miaging Lunes sa hapon.
Base sa spot report gikan sa Lanao PPO, gisulat didto nga samtang nagadagan ang duha ka Honda Wave nga gimaneho ug gipanag-iya ni Ferdinand Estabas Francisco, uban sa iyang mga pasahero, usa ka Kawasaki HD-3 nga gimaneho ni Arthur Lumayot Manabar ang nakigdungan kaniya.
Samtang pareho kining nagdagan sa managsamang direksyon gikan sa Poblacion Baroy ug sa paghidangat sa may tulay sa Sagadan, usa ka Izuzu Transit Mixer ang misugat kanila nga kusog ang dagan ug mibangga sa duha sa motorcab.
Maayong pagkaguba sa mga motor samtang nangalagpot ang mga pasahero ug nahiagom sa daghang samad.
Ang mga pasahero gidala sa tambalanan ug giingong anaa na sa luwas nga kahimtang karon.
Gi-impound usab sa kapolisan ang tulo ka sakyanan alang sa tukmang disposisyon. BHEBS NACUA GULAHAB