BETHSER DABLO
Tangub news desk
TANGUB CITY—Kasong pagpanulis ang gipasaka ngadto sa usa ka barangay secretary human niya gitulis ang usa ka maestro niadtong Hulyo 17 dapit sa may spillway boundary sa Brgy. Tagite ug Caniangan.
Si P/CInsp. Cayetano Albarico kauban ang 10th PRMG ug Keepers for Peace Rescue and Accident Team (KPART) maoy misikop ni Junipher Solatorio, alyas “Perot”.
Naglingkod-lingkod pa ang suspek sa usa ka tindahan sa dihang naabtan sa mga polis ug giimbitar ngadto sa presinto aron maila sa iyang nabiktima ug mao ba ang mitulis.
Sa pagkakita kaniya ni Maribe Jorolan, ang biktima, positibo siyang giila dayon nga maoy mitulis sa maestra.
Saysay ni Jorolan, gikan siya niadtong tungora sa Taguite Elementary School ug mouli na unta angkas sa motor sa iyang maguwang sa dihang giatangan sila ni Solatorio sa may spillwayug gitulis.
Walay salapi nga nakuha sa suspek apan gidala niya ang Nokia 6320 ni Jorolan dayong ikyas.
Wala sad mabawi ang cellphone nga gikuha ni Solatorio tungod kay atoa niya gibilin sa iyang kauban nga kamulo pang gipangita sa kapolisan.
Walay komentaryo nga gikahatag si punong barangay Perla Pueblas sa Sicot gawas lamang sa pag-ingon nga dugay na niyang gusto pulihan si Solatorio kay walay klaro ang trabaho ug himarkada kaayo.