TANGUB CITY—Miangat ngadto sa mas taas nga rangko ang tulo ka mga bombero ning siyudad kinsa taod-taod nang nangalagad sa Bureau of Fire Protection (BFP).
Kini mao nasayran sa MINDANAO MONITOR gikan ni F/CInsp. Clint Cha, hepe sa BFP ning siyudad.
Gibutyag ni Cha ang nasangpit nga mga tulo ka bombero nga naghupot sa rankong Fire Officer 3 ug gi-promote ngadto sa Senior Fire Officer 1 nga sila si SFOl Meleciano Ongcol, SFOl Ronald Buenbrazo ug SFOl Pedrito Cabanday.
Matod pa ni Cha, nga ang maong mga promotion mi-epekto kaniadtong Mayo 20 ug nagsumikad kini sa ilang maayong lihok sulod sa hataas nga panahon sa ilang pagpangalagad.
Kini usab bugti sa ilang napakitang maayong binuhatan ilalom sa buhatan sa Serbisyo Civil ug ingon man sa ilang rehiyonal nga buhatan, dugang saysay ni Cha.
Ang BFP-Tangub adunay l8 ka mga bombero, apil ang hepe nila. BHEBS NACUA GULAHAB