REMAI ALEJADO
Online news contributor
PAGADIAN CITY: Usa ka elementary school building nga adunay duha ka lawak-saringan ang malam-pusong gitugyan sa Kalian Elementary School, Margosatubig sa miaging semana.
Sa iyang mensahe sa okasyon nga gibasa alang kaniya ni Board Member Felicidad Funtanilla, gipahayag ni Gov. Aurora Cerilles nga ang maong edipisyo usa ka landmark foreign assisted project nga gipasayon sa Dept. of Agrarian Reform pinaagi sa Belgian Integrated Agrarian Reform Support Program (BIARSP).
Kining maong programa, matod ni Cerilles, nakatabang sa rural development pinaagi sa paghatag sa gikinahanglang infrastructure support sa mga mag-uumang beneficiaries sa Agrarian Reform Community.
“ng maayong lawak saringanan alang sa pagtuon sa mga kabataan dako kaayo’g epekto sa pag-uswag sa ilang kahibalo. Kini nga kahimuan kabahin sa atong walay hunong nga panlimbasog sa pagpauswag ug pagpalapad sa serbisyo sa edukasyon dinhi sa Kalian,” nagkanayon si Cerilles.
Gihatagan ug gibug-aton ni Cerilles nga importante kaayo ang balanse nga pagpadangat sa mga kaayohan aron hapsay ang dagan sa kauswagan ug ang edukasyon mao’y atong lig-ong sukaranan sa kalambuan.
Busa, matod pa niya, gikinahanglan ang pagdugtongay ug kooperasyon aron paspas ang pagdangat sa mga kaayohan dili lamang sa natad sa edukasyon, apan bisan pa man sa uban pang mga mahinungdanong serbisyo nga makatampo sa atong pag-uswag.
Gitumbok niya nga ang tanang paningkamot sa gobyerno ug sa pagbudlay sa katawhan nga responsabli sa pagpatuman sa maong proyekto, kinasing-kasing nga gihalad sa nagtungha nga mga kabataan.
Kalabot niini, gitunol sa gobernadora ang iyang pagdayig s sa BIARSP nga girepre-sentahan niadtong tungora ni Dir. Elmer Banares, national program coordinator, sa paghatag sa bililhon kaayong suporta.
Ingon man sa DAR, nga gipangulohan ni Reg. Dir. Julita Ragandang ug Provincial Agrarian Reform Officer, Atty. Glenn Sabijon sa ilang pagkugi alang sa kalambuan sa probinsiya.