NEPTALIE BATOLENIO
Online news editor
OZAMIZ CITY: NATIGAW sa makadiyot kining dakbayan human nabati ang pamahayag ni Pangulong Gloria Macapagal-Arroyo sa telebisyon kabahin sa iyang State of the Nation Address (SONA) bag-uhay pa lang nga nag-ingon siya nga ang Panguil Bay Bridge Project (PBBP) magdugtong sa Ozamiz ug Tubod, Lanao del Norte.
Kahibaloan nga sumala sa engineering design ug feasibility studies nga gimug
na mga upat na ka tuig ang milabay, ang PBBP magsukad sa Silanga, Tangub City padulong sa Aloha, Tubod sa Lanao del Norte.
“A memorandum of understanding (MOU) was signed for the Panguil Bay Bridge that would connect Ozamiz, Lanao del Norte and Iligan,” kini ang pamahayag ni Arroyo.
Wala damha nga mihaling og daghan nga reaksiyon human nga gidala kini sa kahanginan pinaagi sa DxDD-AM sa tulumanon “Isyu 657” tungod kay daghan ang nagtoo nga posible ipahimutang ang tulay dinhi ilabina nga ang dakbayan maoy trans-shipment point ug sentro sa komersiyo sa lalawigan.
Gipadayag ni Fernando “Nanding” Dumanjug, station manager sa nasangpit nga stasyonan, kon tinuod man ang gisulti ni Arroyo, labing mobibo ang siyudad ilabina nga ania usab mahimutang ang pantalan og airport.
Gisigundahan si Dumanjug sa nagsupot-supot nga mga text messages sa mga tigpaminaw kinsa mipadayag nga labing maayo dinhi na lamang itukod ang tulay tungod kay mingaw man ang Tangub ug layo sa Ozamiz.
Adunay pagduda ang uban nga ang gipamahayag ni Arroyo usa ka pagpadayag sa iyang kahiubos sa Tangub tungod kuno kay sa milabayng eleksiyon dayag kayo nga misuporta si Mayor Jennifer Tan nila ni Francis “Kiko” Pangilinan ug Loren Legarda samtang giitsa-pwera sila si Jamalul Kiram ug Prospero Pichay sa Team Unity.
Gitul-id kini nga pagtoo ni Gov. Loreto Ocampos sa pag-ingon nga sa Tangub gyod
ipahimutang ang PBBP sukwahi sa nabuhiang pulong sa presidente.
“Nasipyat lang ang Presidente adto, kay na overwhelmed man gud siya sa nahisgutan ang Ozamiz unya nasunod dayon ang PBB,” saysay niya.
Dugang sa gobernador nga dili mahitabo nga sa Ozamiz ipahimutang ang PBB kay mahimong maghulat na usab ug laing tulo ka tuig una kini masugdan ilabina nga andamon na usab ang laing mga papeles sa maong proyekto.
Si Mayor Tan misulti sad nga dili na lamang hatagan og igong pagtagad ang nasulti sa Presidente ilabina nga labing ilang gipabilhan ang nalatid sa Memorandum of Agreement (MOA) niadtong Hulyo 11 nga gisaksihan usab sa pangulo.
Gidugang ni Tan nga human sa maong SONA adunay wala mahinganli nga staff sa Malacañang nga miduol kaniya ug nangayo og despensa nga wala mabantayi ang maong sayop sa nabasa sa Presidente.
Ang PBBP sugdan sa dili pa motapos kining tuiga, sumala pa ni Ocampos.
Online news editor
OZAMIZ CITY: NATIGAW sa makadiyot kining dakbayan human nabati ang pamahayag ni Pangulong Gloria Macapagal-Arroyo sa telebisyon kabahin sa iyang State of the Nation Address (SONA) bag-uhay pa lang nga nag-ingon siya nga ang Panguil Bay Bridge Project (PBBP) magdugtong sa Ozamiz ug Tubod, Lanao del Norte.
Kahibaloan nga sumala sa engineering design ug feasibility studies nga gimug
na mga upat na ka tuig ang milabay, ang PBBP magsukad sa Silanga, Tangub City padulong sa Aloha, Tubod sa Lanao del Norte.“A memorandum of understanding (MOU) was signed for the Panguil Bay Bridge that would connect Ozamiz, Lanao del Norte and Iligan,” kini ang pamahayag ni Arroyo.
Wala damha nga mihaling og daghan nga reaksiyon human nga gidala kini sa kahanginan pinaagi sa DxDD-AM sa tulumanon “Isyu 657” tungod kay daghan ang nagtoo nga posible ipahimutang ang tulay dinhi ilabina nga ang dakbayan maoy trans-shipment point ug sentro sa komersiyo sa lalawigan.
Gipadayag ni Fernando “Nanding” Dumanjug, station manager sa nasangpit nga stasyonan, kon tinuod man ang gisulti ni Arroyo, labing mobibo ang siyudad ilabina nga ania usab mahimutang ang pantalan og airport.
Gisigundahan si Dumanjug sa nagsupot-supot nga mga text messages sa mga tigpaminaw kinsa mipadayag nga labing maayo dinhi na lamang itukod ang tulay tungod kay mingaw man ang Tangub ug layo sa Ozamiz.
Adunay pagduda ang uban nga ang gipamahayag ni Arroyo usa ka pagpadayag sa iyang kahiubos sa Tangub tungod kuno kay sa milabayng eleksiyon dayag kayo nga misuporta si Mayor Jennifer Tan nila ni Francis “Kiko” Pangilinan ug Loren Legarda samtang giitsa-pwera sila si Jamalul Kiram ug Prospero Pichay sa Team Unity.
Gitul-id kini nga pagtoo ni Gov. Loreto Ocampos sa pag-ingon nga sa Tangub gyod
ipahimutang ang PBBP sukwahi sa nabuhiang pulong sa presidente.“Nasipyat lang ang Presidente adto, kay na overwhelmed man gud siya sa nahisgutan ang Ozamiz unya nasunod dayon ang PBB,” saysay niya.
Dugang sa gobernador nga dili mahitabo nga sa Ozamiz ipahimutang ang PBB kay mahimong maghulat na usab ug laing tulo ka tuig una kini masugdan ilabina nga andamon na usab ang laing mga papeles sa maong proyekto.
Si Mayor Tan misulti sad nga dili na lamang hatagan og igong pagtagad ang nasulti sa Presidente ilabina nga labing ilang gipabilhan ang nalatid sa Memorandum of Agreement (MOA) niadtong Hulyo 11 nga gisaksihan usab sa pangulo.
Gidugang ni Tan nga human sa maong SONA adunay wala mahinganli nga staff sa Malacañang nga miduol kaniya ug nangayo og despensa nga wala mabantayi ang maong sayop sa nabasa sa Presidente.
Ang PBBP sugdan sa dili pa motapos kining tuiga, sumala pa ni Ocampos.