KAUSWAGAN, LND—Nangamig na sa kamatayon ang usa ka asawa human kini makitang nagbitay sulod sa iyang panimalay gamit ang habol nga niyang gihimong pisi ug gihigot sa iyang liog aron maghikog.
Kini nahitabo didto sa P-7 Bagumbayan, Kauswagan niadtong nakalabayng Miyerkules, sa gabii.
Ang naghikog giila sa kapolisan nga si Joe Ann Tangu-an.
Unang nakasusi sa maong hitabo si SPO3 Misterioso Aranco sa dihang gipaadto siya sa iyang hepe nga si P/SInsp. Nestor Santillan Ortiz human nadawat ang maong kasayuran gikan sa usa ka kagawad.
Una nang nakakita ang bana ni Joe Ann, si Edwin, kinsa dali usab nga nagpakitabang sa mga silingan.
Wala maklaro kung gipailalom bas a autopsy ang patayng lawas ni Joe Ann apan mao kini ang nahibaloan sa MINDANAO MONITOR niining pagsulat.
Wala sad mahibaloi unsay hinungdan nganong naghikog ang namatay. BHEBS NACUA GULAHAB