OZAMIZ CITY: Gikinahanglan nga makabaton sa kopya sa Medium Term Public Investment Program (MTPIP) and mga miyembro sa CONFED kon Confederation of Provincial Governors, City Mayors and Municipal Mayors League Presidents of Mindanao, mao kini bag-ong gipamahayag ni Gov. Loreto Ocampos.
Matod pa sa gobernador, and pagbaton ug kopya sa MTPIP maoy makahatag ug igong impormasyon sa mga local government units sa pagbantay sa ilang mga bahin nga pondo sa mga proyekto nga anaa nasakop sa MTPIP.
Si Ocampos usa sa mga miapil sa reorganization meeting sa CONFED niadtong Hulyo 17 didto sa Del Rio Splash Resort, Koronadal City, South Cotabato.
Ang probinsya sa South Cotabato gipanguluhan ni Gov. Daisy Avance-Fuentes ug sila ang nahimong host province sa maong kalihukan.
Ang mga nag-unang agenda sa maong panagtigum naglakip sa pag-amendar sa constitution and by laws, ang paghatag ug updates sa mga proyekto sulod sa Super Regions ug ang proposal sa interfacing tali sa national government agencies ug local chief executives nga gisugyot ni Ocampos.
Gipasabot ni Ocampos nga susama sa nahitabo sa P900-million nga pondo alang sa Panguil Bay Bridge Project (PBBP) diin kini gire-align kini o gibalhin ngadto sa laing proyekto.
Apan gumikan sa reklamo ug paningkamot ni Ocampos, ang nasangpit nga pondo ang gibalik ra usab.
Gibana-banang sugdan na sa pagtukod ang PBBP sa dili pa motapos ning tuiga.
Ang CONFED namugna niadtong 1990 sa tumong nga mahatagan ug lig-on nga koordinasyon ang tanang paningkamot alang sa mga proyekto sa matag LGU aron makab-ot ang kinatibuk-ang kalambuan sa Mindanao.
PRESS RELEASE